BY 
10 студзеня 2024 года вучні Школы юнага пісьменніка філалагічнага факультэта БДУ расказалі пра сябе ў прамым эфіры праграмы «ДНК» на канале «Культура» беларускага радыё.
Юныя аўтары Паліна Дваранская, Іван Мароз, Любоў Сударгіна і Святлана Тарасевіч распавялі пра свае зацікаўленні, падзяліліся ведамі, атрыманымі на занятках у Школе юнага пісьменніка. Кожны выявіў сваю адметную індывідуальнасць, а Святлана Тарасевіч выступіла з новым вершам. Вядучая праграмы Наталля Сіротка запрасіла вучняў Школы працягнуць супрацоўніцтва. Дынамічную і яскравую сустрэчу арганізавала аспірант кафедры гісторыі беларускай літаратуры Кацярына Крыцук-Тарасава.
