BY 
З 8 па 11 студзеня бягучага года ў Оршы прайшоў трэці этап рэспубліканскай алімпіяды па вучэбных прадметах «Беларуская мова» і «Беларуская літаратура», у якім прынялі ўдзел навучэнцы ўстаноў сярэдняй адукацыі Віцебскай вобласці.
Традыцыйна выкладчыкі філалагічнага факультэта БДУ задзейнічаны ў правядзенні І і ІІ тураў алімпіяды (водгук на мастацкі твор, комплексная работа па беларускай мове і літаратуры) на ўсіх этапах, выступаюць у ролі экспертаў па праверцы і ацэнцы конкурсных работ удзельнікаў алімпіяды.
Падчас правядзення алімпіяды былі наладжаны кантакты з адміністрацыямі абласных устаноў адукацыі, на базе якіх праходзіў трэці этап. Адбыліся сустрэчы з настаўнікамі беларускай мовы і літаратуры – членамі журы і кіраўнікамі каманд. Для вучняў 9–11 класаў была праведзена прэзентацыя філалагічнага факультэта БДУ, у ходзе якой яны азнаёміліся з парадкам прыёму на філалагічны факультэт на спецыяльнасць «Беларуская філалогія», больш даведаліся пра факультэт і студэнцкае жыццё. З калегамі і арганізатарамі алімпіяды былі абмеркаваны новыя тэндэнцыі ў развіцці прадметных алімпіяд, прафесійныя, метадычныя і псіхалагічныя праблемы падрыхтоўкі вучняў, прафарыентацыйныя задачы ў галіне беларусістыкі, якія ставяцца перад дзяржаўнымі ўстановамі адукацыі.
