Конкурс мастацкага чытання на кітайскай мове “Ніці слоў” (“语丝”) сярод навучэнцаў устаноў сярэдняй адукацыі

Кафедра кітайскай філалогіі філалагічнага факультэта Беларускага дзяржаўнага ўніверсітэта праводзіць конкурс мастацкага чытання на кітайскай мове “Ніці слоў” (“语丝”) сярод навучэнцаў устаноў сярэдняй адукацыі Рэспублікі Беларусь.

Асноўнымі мэтай і задачамі конкурсу з’яўляюцца:

 - правядзенне прафарыентацыйнай работы сярод навучэнцаў устаноў сярэдняй адукацыі Рэспублікі Беларусь для далейшага паступлення ў Беларускі дзяржаўны ўніверсітэт;

- папулярызацыя кітайскай мовы і культуры ў Беларусі;

- удасканаленне навыкаў мастацкага чытання на кітайскай мове вучняў устаноў сярэдняй адукацыі;

- заахвочванне прафесійных кампетэнцый вучняў, якія вывучаюць кітайскую мову;

- умацаванне і развіццё адукацыйных і культурных сувязей паміж Рэспублікай Беларусь і Кітайскай Народнай Рэспублікай.

Удзельнікам конкурсу мастацкага чытання на кітайскай мове “Ніці слоў” (“语丝”) неабходна ў азначаны тэрмін прадставіць у арганізацыйны камітэт відэаролік працягласцю да 3-х хвілін з мастацкім чытаннем на кітайскай мове твора любога жанру вучнем (вучнямі) ў трох узроставых катэгорыях: пачатковая школа (1-4 класы), сярэдняя школа (5-8 класы), старэйшая школа (9-11 класы).

Колькасць удзельнікаў у відэароліку, а таксама колькасць саміх відэаролікаў ад адной установы адукацыі не абмежавана.

Заяўкі на ўдзел у конкурсе і відэаролік прымаюцца з 01.02.2024 г. па 01.04.2024 г. уключна. Падрыхтаваны матэрыял патрэбна даслаць на электронны адрас аргкамітэта: Адрес электронной почты защищен от спам-ботов. Для просмотра адреса в браузере должен быть включен Javascript..

Заяўка на ўдзел у конкурсе размешчана тут.

Падрабязная інфармацыя і палажэнне аб правядзенні конкурсу мастацкага чытання на кітайскай мове “Ніці слоў” (“语丝”) размешчаны тут.

Кантактная інфармацыя: 378 – 63 – 78.