Літаратурна-мастацкая акцыя “Букет вясны, букет Перамогі”

17 мая замежныя студэнты, якія вывучаюць рускую мову на кафедры тэорыі і методыкі выкладання рускай мовы як замежнай, прынялі ўдзел у літаратурна-мастацкай акцыі  “Букет вясны, букет Перамогі”. Мерапрыемства, арганізаванае выкладчыкамі кафедры, прайшло пад знакам 80-годдзя вызвалення Беларусі ад нямецка-фашысцкіх захопнікаў. Замежныя студэнты выказвалі сваё захапленне гераізмам салдат-вызваліцеляў і беларускіх партызан і падпольшчыкаў. Прагучалі вершы і песні ваенных гадоў і літаратурна-музычныя кампазіцыі на вершы А. Твардоўскага, К. Сіманава, Ю. Друнінай, С. Арлова, Д. Самойлава і іншых паэтаў.

Кітайскія студэнты выканалі песні на рускай і роднай мовах. Фінальнай кропкай мерапрыемства стала выкананне ўдзельнікамі акцыі легендарнай песні “Дзень Перамогі”.