“Альтанка” – 2024

На кафедры гісторыі беларускай літаратуры з’явіўся новы выпуск літаратурнага альманаха “Альтанка”. Тут змешчана паэзія, проза, драматургія студэнтаў і асірантаў філалагічнага факультэта. Мова публікацый і цытат – беларуская, руская, а таксама англійская, лацінская, грэчаская. Тыраж атрыманы з друкарні 23.05.2024 г.  Новы альманах аб’яднаны слоганам “дзеці літаратуры” і ўключае праявы Штучнага Інтэлекту, з дапамогай якога генераваны слоўны “партрэт філалагічнага дзіцяці” і ўсе ілюстрацыі да аўтарскіх тэкстаў. Укладальнік, вэб-дызайнер і адна з аўтараў вершаў гэтага выпуску, што мае нумар 3, – аспірантка К. А. Крыцук-Тарасава; галоўны рэдактар – загадчык кафедры гісторыі беларускай літаратуры прафесар Л. Д. Сінькова; адказны за выпуск – намеснік начальніка вучэбнага цэнтра адукацыйных інавацыйных і інфармацыйных тэхналогій факультэта І. В. Нікіценка. Свае творы прадставілі А. Аўраменка, А. Краўцова, А. Рыцько, В. Усанава, М. Шкляр, А. Сухамліна, А. Чаплянок, Яўгенія Лязо (Я. Касіловіч), М. Аніперава, В. Аўчыннікава, А. Макоўская, В. Калістратава, К. Мірэр, В. Чэб, Д. Гай-Варонская, А. Даніленка, С. Жыткоўская, С. Сідар, В. Ходас, А. Цімашэнка, А. Туравец, Ф. Неўпакоеў. “Альтанка” – 2024  працягвае традыцыі літаратурнай творчасці на філалагічным факультэце і прысвечана яго 85-годдзю.