BY 
01.10.2024 у Выдавецкім доме «Беларусь сёння» адбылася сустрэча актыву «Белай Русі» з вядучымі беларускімі палітолагамі ‒ кіраўніком Выдавецкага дома Дзмітрыем Жуком, а таксама вядомымі журналістамі і экспертамі Аляксандрам Мукавозчыкам, Любоўю Гладкай і Вадзімам Шэпетам. У адкрытым дыялогу прыняла ўдзел выкладчык кафедры германскага мовазнаўства Д.В.Шайбакова.
Фармат сустрэчы спрыяў прадуктыўнаму абмеркаванню актуальных тэм грамадска-палітычнага жыцця краіны. Важнай часткай дыскусіі сталі пытанні забеспячэння інфармацыйнай бяспекі, фарміравання ідэалогіі і нацыянальнай ідэі. Эксперты падкрэслілі, што для ўмацавання грамадства неабходна глыбокае разуменне тых каштоўнасцяў, якія фарміруюць беларускую ідэнтычнасць. Асаблівая ўвага была ўдзелена тэме патрыятызму: гаварылі пра важнасць гісторыі і культуры ў выхаванні грамадзянскасці і любові да Радзімы, пра тое, як гэтыя элементы закладваюць аснову для фарміравання нацыянальнай самасвядомасці.
Мерапрыемства дазволіла ўдзельнікам абмяняцца думкамі па ключавых пытаннях, якія закранаюць будучыню краіны.
