BY 
29 студзеня на базе Інстытута пагранічнай службы Рэспублікі Беларусь выкладчыкі і студэнты філалагічнага факультэта Беларускага дзяржаўнага ўніверсітэта прынялі ўдзел у чытацкай канферэнцыі, прысвечанай абмеркаванню рамана Валянціна Пікуля “Гонар маю”.
Канферэнцыя прайшла ў форме круглага стала філолагаў і курсантаў перад аўдыторыяй больш за 250 чалавек. Мадэратарам мерапрыемства стала загадчыца кафедры рускай літаратуры Таццяна Сідарава.
У ходзе сустрэчы ўдзельнікі абазначылі асноўныя вехі жыццёвага і творчага шляху пісьменніка – аўтара шматлікіх твораў на гістарычную і ваенна-патрыятычную тэматыку, разгледзелі яго раман з кампазіцыйнага, лінгвістычнага і філасофскага пунктаў гледжання. У ходзе абмеркавання было ўзнята важнае пытанне: “што такое гонар?”, якое звяло ўсе меркаванні да аднаго: гонарам, як і сумленнем, павінен валодаць кожны чалавек.
Завяршальным этапам канферэнцыі сталі нефармальныя зносіны ўдзельнікаў і арганізатараў за чаяваннем у афіцэрскім сходзе, дзе ў добразычлівай абстаноўцы падводзіліся вынікі сустрэчы, абмен думкамі і абмеркаванне будучых сумесных праектаў.
