BY 
Напярэдадні Дня абаронцаў Айчыны і Узброеных Сіл Рэспублікі Беларусь на філалагічным факультэце прайшла агульнаўніверсітэцкая дыялогавая пляцоўка «Узброеныя сілы Рэспублікі Беларусь сёння», арганізаваная ПА БДУ РГА «Белая Русь» сумесна з ваенным факультэтам.
Удзельнікамі сустрэчы сталі старшыня «Белай Русі» Марына Гутоўская, начальнік кафедры супрацьпаветранай абароны ваеннага факультэта палкоўнік Аляксандр Кавалёў, студэнты і кіраўніцтва шаснаццаці факультэтаў універсітэта.
Галоўнымі тэмамі агульнаўніверсітэцкай дыялогавай пляцоўкі сталі будаўніцтва і развіццё Узброеных Сіл за апошнія 30 гадоў, сучасныя геапалітычныя выклікі для Рэспублікі Беларусь і роля Узброеных Сіл у іх пераадоленні.
