BY 
16 лютага філалагічны факультэт шчыра запрасіў юных філолагаў – удзельнікаў навучальных збораў па падрыхтоўцы да заключнага этапу рэспубліканскай алімпіяды па рускай мове і літаратуры. Сярод гасцей былі навучэнцы сярэдніх навучальных устаноў Мінскай вобласці (з Слуцка, Салігорска, Жодзіна, Барысава, Клецка, Мядзеля, Чэрвеня і інш.), а таксама іх педагогі: Ю. А. Савановіч (ДУА «Гімназія № 1 г. Слуцка») і А. У. Леванчук (ДУА «Ланская сярэдняя школа» Нясвіжскага раёна).
Навучальны дзень на філфаку пачаўся з прафарыентацыйнай сустрэчы, на якой намеснік дэкана па навуковай рабоце і міжнародным супрацоўніцтве Таццяна Васільеўна Мальцэвіч пазнаёміла школьнікаў з шырокім спектрам напрамкаў работы факультэта, расказала пра спецыфіку навучання і перспектывы рэалізацыі творчага і інтэлектуальнага патэнцыялу філолагаў.
Затым алімпіяднікам быў прапанаваны аўтарскі трэнінг дацэнта кафедры рускай літаратуры Л.В. Камлюк-Ярашэнка «Свет-тэкс як сеціва рэальнасцей: гісторыя і фантазія, тэхна і візуал, гульня і міф». У фармаце адукацыйнага квэста з выкарыстаннем інтэрмедыяльных прыёмаў школьнікі і педагогі даследавалі канцэпцыю «свет-тэкст», якая дазваляе разглядаць мастацкія творы як шматгранныя гісторыі, якія аб’ядноўваюць элементы розных жанраў: фэнтэзі, фольк-хорара, перфомансу і наіўнага мастацтва. Працуючы ў групах, удзельнікі аналізавалі тэксты, раскрываючы іх семантычную складанасць і сувязь з культурным кантэкстам і традыцыямі.
Філалагічны факультэт працягне супрацоўніцтва з таленавітымі школьнікамі Мінскай вобласці ў рамках вясновых навучальных збораў, конкурсаў даследчых работ і навукова-практычных канферэнцый. Такі навучальны дзень на філфаку стаў важным крокам у падтрымцы юных філолагаў і іх прафесійнага станаўлення.
