BY 
19.03.2025 у межах эстэтычнага выхавання старшы выкладчык кафедры германскага мовазнаўства А.І. Ліхарад правяла са студэнтамі 1 курса філалагічнага факультэта круглы стол на тэму "Устойлівыя гарады Рэспублікі Беларусь: ад канцэпцыі да практыкі", прысвечаны году добраўпарадкавання. Мэта занятку-даць пляцоўку для абмену ідэямі і прапановамі, якія могуць спрыяць пераходу беларускіх гарадоў да больш устойлівай мадэлі развіцця. Удзельнікі мерапрыемства засяродзіліся на розных аспектах ўстойлівага гарадскога планавання, уключаючы энергаэфектыўнасць, транспартную інфраструктуру, кіраванне адходамі і стварэнне камфортнага гарадскога асяроддзя. Студэнты ўсвядомілі, што праблема ўстойлівага развіцця становіцца ўсё больш актуальнай ва ўмовах глабальных змяненняў клімату і росце урбанізацыі. Устойлівыя гарады - гэта не толькі камфортныя для пражывання месцы, але і тэрыторыі, здольныя эфектыўна выкарыстоўваць рэсурсы, мінімізаваць негатыўнае ўздзеянне на навакольнае асяроддзе і забяспечваць высокую якасць жыцця для сваіх жыхароў.
Студэнты актыўна ўдзельнічалі ў абмеркаванні, прапаноўваючы свае ідэі і праекты, накіраваныя на паляпшэнне гарадскога асяроддзя. Многія з іх падкрэслілі важнасць ўключэння моладзі ў працэс прыняцця рашэнняў, бо менавіта маладое пакаленне будзе жыць у гарадах будучыні. Удзельнікі прыйшлі да высновы, што ўстойлівае развіццё гарадоў - гэта не толькі пытанне экалогіі, але і эканомікі, сацыяльнай справядлівасці і якасці жыцця. Важным аспектам з'яўляецца інтэграцыя сучасных тэхналогій і інавацый у гарадское планаванне, што дазволіць стварыць больш камфортныя і бяспечныя ўмовы для жыцця.
