BY 
25 красавіка 2025 года старшы выкладчык кафедры тэорыі і методыкі выкладання рускай мовы як замежнай Шаўчук В.В. арганізавала ўрок-канферэнцыю на тэму “Адна на ўсіх Перамога: беларусы і туркмены, уганараваныя званнем Героя СССР”.
Замежныя студэнты 1 курса геаграфічнага факультэта падрыхтавалі даклады аб Героях СССР Осіпавай М. Б., Дурды К., Філімонаву А.А., Рэджэпаву П., Зайцаву М.Я., Тахіраву А., Парахневічу В.А., Даўлетджанаву Б. і інш. У сваіх дакладах студэнты расказалі пра радзіму герояў, іх подзвіг, уклад у агульную Перамогу.
На занятках студэнты азнаёміліся з афіцыйным лагатыпам 80-годдзя Перамогі савецкага народа ў Вялікай Айчыннай вайне, зацверджаным у Рэспубліцы Беларусь. Студэнт 1 курса геаграфічнага факультэта Сахатмурадаў Бахбіт прадставіў уласны варыянт лагатыпа, які адлюстроўвае гераізм туркменскага народа ў гады вайны.
На лагатыпе намаляваны флаг Туркменістана, Ордэн Айчыннай вайны і манумент “Перамога”, выкананы скульптарам, студэнтам Дзяржаўнай акадэміі мастацтваў Туркменістана Атой Акіевым.
І зараз, праз 80 гадоў, тэма Вялікай Айчыннай вайны знаходзіць вялікі водгук у студэнтаў. Найвялікшая бітва ў гісторыі чалавецтва, яе наступствы шмат у чым вызначылі станаўленне і далейшае развіццё краін і народаў. Кожны ўдзельнік вайны, кожны абаронца радзімы быў героем, нажаль, не ўсе імёны захаваліся ў гісторыі.
Урок, які адбыўся, нагадаў аб важнасці ўсведамлення каштоўнасці асобы для агульнага дабра, аб неабходнасці захоўваць памяць аб героях і ахвярах вайны для зацвярджэння гістарычнай праўды і для аб'яднання народаў і краін.
