BY 
5 мая 2025 г. старшыя выкладчыкі кафедры тэорыі і методыкі выкладання рускай мовы як замежнай Андрэева Л.С. і Ціхановіч В.С. правялі гутарку, прысвечаную Дню Перамогі, з замежнымі студэнтамі 2 курса факультэта міжнародных адносін БДУ. Падчас гутаркі была паказана прэзентацыя пра ваенныя падзеі на тэрыторыі Беларусі і пра ўклад беларускага народа ў перамогу ў Вялікай Айчыннай вайне, заслуханы даклады студэнтаў пра герояў таго часу.
Мэтай правядзення дадзенай гутаркі з'яўляецца паглыбленне ведаў замежных студэнтаў аб агульнанародным характары вайны, якую вёў СССР у 1941-1945 гадах, гераізме і вырашальным укладзе народаў Савецкага Саюза ў перамогу над нацысцкай Германіяй, садзейнічанне ўсведамленню замежнымі навучэнцамі каштоўнасці міру на зямлі, неабходнасці захавання гістарычнай памяці.
Ва ўступным слове выкладчыкі звярнулі ўвагу замежнай аўдыторыі, што ўсё далей і далей аддаляе нас час ад падзей Вялікай Айчыннай вайны, але подзвігі загінулых у баях, смутак аб мільёнах нявінных ахвяр і трагедыя акупацыі застаюцца ў свядомасці людзей старэйшага пакалення, захоўваюцца ў памяці іх дзяцей, унукаў і праўнукаў. У розных кутках Беларусі, якая страціла ў 1941-1945 гадах кожнага трэцяга жыхара, створаны мемарыяльныя комплексы, устаноўлены манументы, прысвечаныя падзеям самай трагічнай і кровапралітнай вайны на нашай шматпакутнай зямлі. І ніколі не знікне з памяці народнай гонар за Вялікую Перамогу, памяць аб страшнай цане, якую мы заплацілі.
