BY 
Стала добрай традыцыяй кафедры рускай мовы адкрываць стэнды, прысвечаныя памятным падзеям нашай гісторыі. З мэтай пашырэння ведаў студэнтаў пра генацыд беларускага народа, пра трагедыю Хатыні, пра мемарыяльны комплекс «Хатынь» і яго значэнне для захавання гістарычнай памяці беларускага народа на кафедры быў адкрыты стэнд “Трагедыя Хатыні”. Старшы выкладчык кафедры рускай мовы А.А. Занкавец расказала прысутным аб страшнай падзеі ў адной з беларускіх вёсак, якую гітлераўцы спалілі разам са 149 жыхарамі, з якіх 75 былі дзеці. Студэнты падзяліліся сваімі ўражаннямі аб пачутым, як і аб самой вайне, якую нельга забываць, каб нешта падобнае не паўтарылася.
