Жураўлі Перамогі

7 мая 2025 года кафедра рускай мовы правяла шэраг мерапрыемстваў, прымеркаваных да святкавання 80-й гадавіны Перамогі савецкага народа ў Вялікай Айчыннай вайне, пад агульнай назвай "Жураўлі Перамогі". Студэнты 2 і 3 курсаў спецыяльнасці "Руская філалогія" на практычным занятку па «Стылістычным рэдагаванні і карэктуры», якое правяла старшы выкладчык кафедры А.А. Занкавец, напісалі дыктоўку паводле аповесці Васіля Быкава «Жураўліны крык». Потым студэнты азнаёміліся з гісторыяй стварэння песні-малітвы "Жураўлі", выкананай Маркам Бернэсам у 1969 годзе, правялі факт-чэк матэрыялу, зрабілі філалагічны аналіз тэксту, адрэдагавалі падрадковы пераклад з аварскай мовы верша Расула Гамзатава «Жураўлі». Студэнты таксама прынялі ўдзел у падрыхтоўцы і адкрыцці памятнага стэнда на кафедры рускай мовы.