BY 
Філалагічны факультэт з асаблівай цеплынёй і гонарам віншуе з юбілеем прафесара кафедры рускай літаратуры Святлану Якаўлеўну Ганчарову-Грабоўскую – вучонага з сусветным імем, педагога, натхняльніка і настаўніка для некалькіх пакаленняў студэнтаў і калег.
Святлана Якаўлеўна прысвяціла сваё жыццё навуцы і ўніверсітэту: больш за дваццаць гадоў узначальвала кафедру рускай літаратуры, была намеснікам дэкана па вучэбна-метадычнай рабоце.
Даследаванні прафесара Ганчаровай-Грабоўскай: кандыдацкая дысертацыя "Камедыя-памфлет у савецкай драматургіі (праблема развіцця жанру)" (1982 г.); доктарская дысертацыя "Камедыя ў рускай драматургіі 1980-90 х гадоў (жанравая дынаміка і тыпалогія)" (2000 г) – вызначылі новыя гарызонты ў вывучэнні рускай і беларускай драматургіі, заклалі асновы сістэматычнага вывучэння рускамоўнай літаратуры Беларусі, адкрылі свежыя ракурсы асэнсавання жанру камедыі.
Яе навуковая спадчына ўражвае маштабам: 7 манаграфій, 12 навучальных дапаможнікаў, больш за 300 артыкулаў, публікацыі ў вядучых айчынных і замежных часопісах. Выданні: «Камедыя ў рускай драматургіі 1980–1990-х гадоў: (жанровая дынаміка і тыпалогія)» (1999 г.), «Камедыя-памфлет: генезіс, станаўленне, паэтыка» (2002 г.), «Рускамоўная драматургія Беларусі мяжы Х. (праблематыка, жанравая стратэгія)» (2015 г.), «Руская драматургія канца ХХ стагоддзя (камедыяграфія)» (2015 г.), «Францыск Скарына ў беларускай драматургіі мяжы ХХ–ХХI стст.» (2018 г.), «Рэцэпцыя Вялікай Айчыннай вайны ў рускай і беларускай драматургіі (1941 – 2020 я гг.)» (2023 г.) – карыстаюцца заслужанай увагай.
Працы Святланы Якаўлеўны вядомы далёка за межамі Беларусі: яны запатрабаваны ў Расіі, Украіне, Польшчы, Чэхіі, Славакіі, Германіі, Кітаі і іншых краінах. Высокая навуковая значнасць яе работ пацвярджаецца не толькі цытуемасцю і прызнаннем у акадэмічнай супольнасці, але і шматлікімі ўзнагародамі: прэмія імя У.І. Пічэты, званні "Жанчына года ў БДУ", "Заслужаны работнік БДУ", "Выдатнік адукацыі", памятны медаль Расійскай Федэрацыі "150-годдзе А.П. Чэхава».
Неацэнны яе ўклад у развіццё ўніверсітэцкай навукі: пад кіраўніцтвам прафесара былі абаронены кандыдацкія і доктарскія дысертацыі, паспяхова рэалізаваны дзяржаўныя навуковыя праграмы і міжнародныя праекты. Яна стала ініцыятарам і арганізатарам знакавых міжнародных канферэнцый "Славянскія літаратуры ў кантэксце сусветнай" (2001 г.), "Руская і беларуская літаратуры мяжы XX–XXI стст." (2006, 2010, 2014, 2018 гг.), рэдактарам фундаментальных выданняў і серый, аўтарам падручнікаў і навучальных дапаможнікаў, якія сталі настольнымі кнігамі студэнтаў і педагогаў.
С.Я. Ганчарова-Грабоўская на працягу дваццаці гадоў кіруе навукова-даследчымі работамі, якія ўваходзяць у дзяржаўную праграму навуковых даследаванняў: "Рускамоўная літаратура Беларусі канца XX – XXI стагоддзя" (2006-2010 гг.), "Руская і беларуская літаратуры на мяжы XX–XXI стст.: герой01 і герой2. «Руская і беларуская драматургіі на мяжы XX–XXI стст.: аўтар, жанр, стыль» (2016–2020 г.); «Сучасная руская і беларуская драматургія: стратэгія развіцця (2020–2025 гг.). Яна з'яўлялася выканаўцам Міжнароднай навуковай праграмы "Славянскія літаратуры пасля 1989 года" (Польшча).
Для студэнтаў Святлана Якаўлеўна – перш за ўсё Настаўнік з вялікай літары: лекцыі прафесара адрознівае навуковая глыбіня, педагагічная захопленасць і ўменне запаліць у слухачах іскру сапраўднай цікавасці да літаратуры.
Сёння мы з гонарам гаворым: імя Святланы Якаўлеўны Ганчаровай-Грабоўскай трывала ўпісана ў гісторыю філалагічнай навукі Беларусі і займае дастойнае месца ў міжнародным літаратуразнаўстве. Яе дасягненні – гэта прадмет шчырага гонару ўсяго нашага факультэта.
Ад усёй душы віншуем Святлану Якаўлеўну і жадаем здароўя, натхнення, новых творчых і навуковых здзяйсненняў!
