BY 
У рамках мерапрыемстваў, прымеркаваных да святкавання Дня народнага адзінства, студэнты 51 і 52 груп 3 курса спецыяльнасці «Эканамічная інфарматыка» прынялі ўдзел у дыскусіі «У адзінстве – наша сіла». Падчас мерапрыемства была звернута ўвага на гісторыю святкавання Дня народнага адзінства, адбылася дыскусія па тэмах: «Беларускі народ – адна дружная сям’я», «Беларусы разам перад цяжкасцямі і выклікамі», «Дасягненні Беларусі, якімі ганарыцца народ», «Забеспячэнне бяспекі і парадку ў краіне», «Беларусь – міралюбівая краіна» і інш. У выніку дыскусіі студэнты прыйшлі да высновы, што самае маладое, але надзвычай блізкае людзям дзяржаўнае свята напоўнена важнымі сэнсамі. Разам мы будзем моцнымі, зберажом мір, зможам самі вырашаць лёс сваёй краіны, будаваць сваю будучыню і імкнуцца да вызначаных мэт.
