Беларускім педагогам прысвячаецца

3 кастрычніка 2025 года ў рамках мерапрыемстваў, прымеркаваных да святкавання Дня настаўніка, студэнты 3 курса спецыяльнасці «Беларуская філалогія» прэзентавалі свае водгукі на фільм «Класная», створаны кінастудыяй «Беларусьфільм». У творчых работах студэнтаў падкрэслівалася, што кінафільм з’яўляецца цікавым і важным кінапраектам, асабліва надзённым для беларускага гледача, бо закранае блізкія і актуальныя для яго тэмы: адукацыі, жыцця ў малых гарадах, міжасобасных стасункаў, выбару моладдзю свайго прафесійнага шляху. Адзначалася, што фільм падкрэслівае высокую місію педагога ў беларускім грамадстве, паказвае нялёгкую працу настаўніка, поўную штодзённых выклікаў і эмацыйнай аддачы, што прагляд фільма матывуе і натхняе тых, хто толькі пачынае сваю педагагічную дзейнасць ва ўстановах адукацыі Беларусі.

Сярод найлепшых адзначаны водгукі Марыі Руцкай, Ксеніі Суроўевай, Рамана Марукіна, Таццяны Швец, Дар’і Лысікавай.