BY 
14.10.2025 у межах сямейнага і гендэрнага выхавання старшы выкладчык кафедры германскага мовазнаўства А.І. Ліхарад правяла са студэнтамі 1 курса філалагічнага факультэта творчы конкурс «Сямейнае дрэва майго роду». Мерапрыемства прайшло ў Дзень маці і напярэдадні Дня бацькі і стала важнай часткай адукацыйнага працэсу ‒ дазволіла студэнтам прадэманстраваць свае таленты і спрыяла паглыбленню ведаў аб сямейных традыцыях і каштоўнасцях.
У рамках падрыхтоўкі конкурсных праектаў студэнты даследавалі гісторыю сваіх сем'яў, збіралі цікавыя факты пра продкаў, фіксавалі асабістыя ўспаміны. Гэта дазволіла не толькі больш даведацца пра свае карані, але і ўмацаваць сувязь з роднымі, а таксама ўсвядоміць важнасць сямейных адносін. У ходзе прэзентацыі праектаў студэнты дзяліліся сваімі ўяўленнямі пра ролю сям'і ў жыцці чалавека, абмяркоўвалі актуальныя пытанні сям'і ў сучасным грамадстве.
Конкурс "Сямейнае дрэва майго роду" стаў важным крокам да ўсведамлення значэння сям'і ў жыцці кожнага чалавека, нагадаў усім удзельнікам аб тым, наколькі важна шанаваць і берагчы сямейныя повязі, перадаваць з пакалення ў пакаленне традыцыі і ўспаміны.
