BY 
У кастрычніку 2025 года студэнты спецыяльнасці "Рамана-германская (французская) філалогія" правялі шэраг прафарыентацыйных мерапрыемстваў ва ўстановах агульнай сярэдняй адукацыі Рэспублікі Беларусь з мэтай прыцягнуць увагу навучэнцаў да спецыяльнасцей філалагічнага факультэта і выклікаць жаданне стаць студэнтамi лепшай ВНУ краіны – Беларускага дзяржаўнага ўніверсітэта!
У межах дадзенай ініцыятывы студэнтка 2 курса Сняжко Ганна сустрэлася з вучнямі гімназіі № 3 г. Маладзечна, дзе распавяла пра перавагі навучання на факультэце і асаблівасцях студэнцкага жыцця. Сячко Вольга правяла сустрэчы з вучнямі 10 і 11 класаў Салігорскай гімназіі № 1, Асоўская Дар'я – са старшакласнікамі гімназіі № 3 імя мітрапаліта Філарэта Вахрамеева г. Бабруйска. Кушнер Ксенія наведала школу № 28 у родным Бабруйску, а Пратасевіч Соф’я – Валожынскую гімназію № 1.
Падчас сустрэч нашы студэнты выкарыстоўвалі прэзентацыйныя матэрыялы філілагічнага факультэта, а таксама газету “Універсітэт”. Паўсюль назіралася цікавасць вучняў да пададзенай інфармацыі, аб чым сведчаць шматлікія пытанні прысутных. Пытанні тычыліся магчымых цяжкасцей, звязаных з паступленнем на філалагічны факультэт, пражываннем у інтэрнаце, жыцці ў сталіцы, асобна закраналася праблема працаўладкавання будучых філолагаў. Школьнікі таксама цікавіліся культурным жыццём факультэта, магчымасцю ўдзелу ў грамадскім жыцці і дзейнасці ўніверсітэта.
Кафедра будзе працягваць прафарыентацыйную працу з удзелам нашых студэнтаў. Спісы жадаючых далучыцца ўжо складаюцца.
