XII Рэспубліканскі навукова-практычны семінар «Лінгвадыдактыка. Новыя тэхналогіі ў навучанні рускай мове як замежнай»

24  кастрычніка 2025 г. на кафедры тэорыі і методыкі выкладання рускай мовы як замежнай філалагічнага факультэта Беларускага дзяржаўнага ўніверсітэта адбыўся XII Рэспубліканскі навукова-практычны семінар «Лінгвадыдактыка. Новыя тэхналогіі ў навучанні рускай мове як замежнай». Фармат семінара дазволіў сабраць лепшых русістаў Рэспублікі Беларусь, якія выкладаюць русскую мову замежным студэнтам ў вышэйшых навучальных установах.

Мадэратар семінара – старшы выкладчык кафедры тэорыі і методыкі выкладання рускай мовы як замежнай філалагічнага факультэта Беларускага дзяржаўнага ўніверсітэта Ціхановіч Вераніка Станіславаўна.

 Адкрыў семінар загадчык кафедры тэорыі і методыкі выкладання рускай мовы як замежнай філалагічнага факультэта Беларускага дзяржаўнага ўніверсітэта, доктар філалагічных навук, дацэнт Лебядзінскі Сяргей Іванавіч. Даклад быў прысвечаны развіццю і станаўленню стратэгічнай лінгвадыдактыкі як новага напрамку ў лінгвістычнай навуцы.

Вялікую цікавасць ва ўсіх удзельнікаў выклікалі даклад і прэзентацыя па навучанні замежных студэнтаў чытанню мастацка-публіцыстычных тэкстаў кандыдата філалагічных навук, дацэнта Балтыйскага Федэральнага ўніверсітэта імя і.Канта (РФ) Зубчанкі Віялеты Вадзімаўны; выступленне кандыдата філалагічных навук, дацэнта БДУ Шасцярнёвай Ліліі Георгіеўны, у якім дакладчык прадставіла ўвазе вынікі сваёй працы з аўтэнтычнымі газетнымі матэрыяламі на занятках з замежнымі вайскоўцамі; прэзентацыя і даклад кандыдата філалагічных навук, дацэнта БДУ Маліцкага Юрыя Вячаслававіча, прысвечаныя фрэймаваму падыходу ў навучанні будучых журналістаў.

З дакладамі, тэмы якіх ахоплівалі прыватныя і агульныя пытанні мовазнаўства і лінгвадыдактыкі, выступілі ўдзельнікі семінара Воранава Алена Андрэеўна (БДУ), Перзашкевіч Ганна Алегаўна (БДУ), Міхалёва Алена Мікалаеўна (БДУ). Дакладчыкі прадставілі агульнай увазе вынікі сваёй навуковай працы: асаблівасці міжкультурнай адаптацыі стратэгій маўлення ва ўмовах рускамоўнай камунікацыі; прыёмы і спосабы фарміравання комплекснага ўсведамлення граматычных катэгорый на занятках па рускай мове як замежнай; вывучэнне асаблівасцей псіхалагічнай лексікі на занятках з замежнымі студэнтамі.

У рамках семінара ажыццяўлялася работа 6 секцый:

 - сучасныя адукацыйныя тэхналогіі ў навучанні рускай мове як замежнай;

- дыскурсіўны метад у навучанні рускай мове як замежнай;

- кагнітывізм ў навучанні рускай мове як замежнай;

 - IT-падыходы да моўнай падрыхтоўкі;

- адукацыйныя стандарты ў выкладанні курса рускай мовы як замежнай;

 - руская мова ў сучаснай адукацыйнай прасторы: тэндэнцыі і перспектывы.

Усяго ў рабоце семінара прынялі ўдзел 25 спецыялістаў у галіне лінгвадыдактыкі, тэарэтычнай і прыкладной лінгвістыкі.

Падводзячы вынікі семінара, удзельнікі адзначылі, што гэты фармат навуковай і метадычнай работы неабходны для далейшага развіцця беларускай метадычнай школы выкладання рускай мовы як замежнай.

Па выніках семінара будзе апублікаваны зборнік навуковых артыкулаў «Лінгвадыдактыка».