Літаратурна-мастацкае мерапрыемства “Колеры маёй Радзімы: восеньскія традыцыі і святы народаў свету”

19 лістапада старшыя выкладчыкі кафедры тэорыі і методыкі выкладання рускай мовы як замежнай Варычэнка Г.У., Праконіна В.У. і выкладчык Воранава А.А. арганізавалі і правялі літаратурна-мастацкае мерапрыемства “Колеры маёй Радзімы: восеньскія традыцыі і святы народаў свету” з замежнымі студэнтамі розных факультэтаў. Вядучымі мерапрыемства былі студэнткі 2 курса факультэта міжнародных адносін Майса Бакланава і Майса Хамраева.

Мэта мерапрыемства – павышэнне матывацыі да вывучэння рускай мовы, стварэнне ўмоў для міжкультурных зносін студэнтаў розных нацыянальнасцей, знаёмства з культурамі розных народаў, удасканаленне ўменняў прадстаўляць сваю культуру на рускай мове.

Студэнты факультэта міжнародных адносін, юрыдычнага, эканамічнага, біялагічнага, факультэта філасофіі і сацыяльных навук, фізічнага, факультэта геаграфіі і геаінфарматыкі, факультэта прыкладной матэматыкі і інфарматыкі, а таксама магістранты эканамічнага факультэта расказвалі пра культурныя і гістарычныя славутасці родных краін, пра традыцыі розных народаў.Падчас мерапрыемства прагучалі народныя мелодыі і песні, студэнты чыталі на памяць вершы вядомых кітайскіх паэтаў Лі Бо і Лі Цінчжаа, знакамітага туркменскага паэта Махтумкулі і сучасных паэтаў. Вельмі ярка выявіліся мастацкія здольнасці ўдзельнікаў: выклікалі захапленне карціны Дурдымырадавай Махрыбан, Сахатмурадава Бахбіта.У прэзентацыях, прысвечаных знакавым мясцінам сваіх родных краін, а таксама цудоўным куткам Беларусі, замежныя студэнты выказвалі сваю любоў да Радзімы і да  нашай краіны.