Круглы стол «Вучымся вырашаць канфліктныя сітуацыі на ўроках замежнай мовы»

20.11.2025 у межах вывучэння дысцыпліны «Метадыка выкладання замежных моў» старшы выкладчык кафедры германскага мовазнаўства Г.І. Рыммар правяла са студэнтамі 10 групы 4 курса спецыяльнасці «Рамана-германская (нямецкая) філалогія» круглы стол, прысвечаны тэме «Вучымся вырашаць канфліктныя сітуацыі на ўроках замежнай мовы». Мерапрыемства накіравана на развіццё ў студэнтаў, як будучых настаўнікаў, уменняў распазнаваць канфліктныя сітуацыі ў класе, зніжаць іх інтэнсіўнасць і прадухіляць негатыўныя наступствы.

У ходзе круглага стала выкладчык Г.І. Рыммар разам са студэнткай Д.С. Шкут ажыццявілі аналіз узроўню канфлікталагічнай культуры ў групе, разгледзелі каштоўнасныя арыентацыі сучаснай моладзі, іх погляды на міжасабовыя адносіны, а таксама спосабы годнага пераадолення ўзнікаючых супярэчнасцяў і напружаных сітуацый. Д.С. Шкут правяла настольную гульню па размяжоўванню канфліктаў і булінгу.

Мерапрыемства садзейнічала фарміраванню ў студэнтаў асабістых якасцяў будучага настаўніка і развіццю практычных уменняў канструктыўнага вырашэння канфліктаў.