BY 
02.12.2025 у рамках плана выхаваўчай работы выкладчыкі кафедры германскага мовазнаўства філалагічнага факультэта Селязнева В.С. і Звонаў Р.А. правялі занятак у форме дэбатаў у студэнтаў 1 курса рамана-германскай (ангельскай) філалогіі на тэму "Inspiration vs Perspiration in language learning" ("Талент або Стараннасць пры вывучэнні замежных моў").
Мэта дадзенага занятку – садзейнічаць развіццю крытычнага мыслення, падтрымаць цікавасць студэнтаў да вывучэння замежных моў, дапамагчы студэнтам выявіць прафарыентацыйныя схільнасці і ўсвядоміць важнасць выбару прафесіі.
Разважаючы над тым, што важней прыроджаны талент ці ўпартая праца, узнікла тэматычная імправізаваная гутарка, падчас якой студэнты падзяліліся сваім досведам у вывучэнні замежнай мовы. Вялікі водгук у студэнтаў знайшла магчымасць агучыць сваё меркаванне наконт будучых прафесій, звязаных з вывучэннем замежных моў.
У канцы занятку было выяўлена некалькі прафарыентацыйных напрамкаў, якія адпавядаюць асабістым інтарэсам навучэнцаў і грамадскім патрэбам.
