BY 
6 снежня ў рамках вучэбна-выхаваўчага занятку дацэнт кафедры тэорыі і методыкі выкладання рускай мовы як замежнай Міхалёва А.М. арганізавала і правяла экскурсію ў Нацыянальную бібліятэку Беларусі для замежных студэнтаў 1 курса факультэта філасофіі і сацыяльных навук.
Мэта занятку – навучанне рускай мове і фарміраванне паважлівага стаўлення да культуры, навукі, гісторыі і дзяржаўнасці краіны знаходжання.
Замежныя навучэнцы наведалі галоўную бібліятэку Беларусі, якая з’яўляецца захавальніцай магутнага інфармацыйнага рэсурсу, пабывалі ў розных залах установы, уключаючы Кітайскі цэнтр кнігі. З апавядання гіда будучыя псіхолагі даведаліся, наколькі аператыўна супрацоўнікі Нацыянальнай бібліятэкі рэагуюць на выклікі часу, актыўна папаўняюць фонды як нацыянальнымі, так і сусветнымі інтэрнет-рэсурсамі і друкаванымі навінкамі. Студэнты паназіралі за дастаўкай кніг з дапамогай тэлеліфта, навучыліся карыстацца электроннымі сістэмамі пошуку-заказу неабходнай інфармацыі і картачнымі каталогамі, азнаёміліся з выставачнымі галерэямі і экспанатамі бібліятэкі – такімі, як двухметровы “Буквар”, “Машына часу” і г.д.
Асаблівае ўражанне на навучэнцаў зрабіла канферэнц-зала, дзе праводзяцца пасяджэнні Парламенцкага Сходу Саюза Беларусі і Расіі, розныя форумы, канферэнцыі і іншыя мерапрыемствы.
У канцы экскурсіі студэнты задавалі пытанні гіду, дзяліліся ўражаннямі. І, канешне, падняліся на аглядную пляцоўку, каб з вышыні дваццаць другога паверха агледзець агні вячэрняга Мінска.
У эпоху росквіту цыфравізацыі маладым людзям можа падавацца, што бібліятэкі становяцца перажыткам мінулага. Аднак на падобных экскурсіях становіцца відавочна, што сучасныя бібліятэкі паспяхова спалучаюць тэхналогіі віртуальнасці і традыцыйныя каштоўнасці, а папяровая кніга па-ранейшаму адыгрывае важную ролю ў жыцці соцыума і ўсё яшчэ мае свае перавагі над электроннай (карысць для зроку і канцэнтрацыі ўвагі).
