BY 
16 снежня адбылася тэматычная экскурсія ў Заалагічны музей БДУ, якая была арганізавана старшым выкладчыкам кафедры тэорыі і методыкі выкладання рускай мовы як замежнай Лебядзеўскай Т.В. для замежных студэнтаў 2 курса факультэта сацыякультурнвх камунікацый. Навучэнцы з Туркменістана пазнаёміліся з гісторыяй стварэння музея, змаглі ўбачыць шырокую экспазіцыю з больш як 4000 экспанатаў у выглядзе трапічных насякомых, пудзілаў розных жывёл не толькі Беларусі, але і іншых рэгіёнаў.
Пераходзячы з адной выставачнай залы ў другую, студэнты даведаліся аб з'яўленні жывых арганізмаў у эвалюцыйным парадку – ад найпростых да млекакормячых.Іх вельмі ўразілі пудзілы альбатроса, чырвонага ваўка, шымпанзэ і, вядома ж, беларускага зубра, а таксама выклікаў цікавасць аповед пра гэтых жывёл. Студэнты былі здзіўлены, што ўсе ўнікальныя экспанаты музея сабраны выпускнікамі біялагічнага факультэта, супрацоўнікамі музея ў розных экспедыцыях і паездках на працягу доўгіх гадоў.
Акрамя таго, падчас экскурсіі па музеі замежныя студэнты ўзбагацілі свой лексічны запас новымі словамі, папоўнілі тэрміналагічны слоўнік, развілі навык аўдзіравання вуснага маўлення на замежнай мове.
Такім чынам, знаёмства з гісторыяй музея БДУ, з прыродным набыткам беларускага краю, з працамі стваральнікаў музея дазволіла ўцягнуць замежных студэнтаў у жыццё краіны, дзе яны атрымліваюць адукацыю, яшчэ глыбей усвядоміць гістарычныя, краязнаўчыя і лінгвакраіназнаўчыя факты.
