Конкурс праектаў «Нацыянальныя традыцыі, святы і фестывалі народаў Вялікабрытаніі»

19.12.2025 у рамках палікультурнага выхавання старшы выкладчык кафедры германскага мовазнаўства Н.А. Мятліцкая і студэнты 8 і 9 груп 2 курса спецыяльнасці «рамана-германская (англійская) філалогія» правялі конкурс праектаў «Нацыянальныя традыцыі, святы і фестывалі народаў Вялікабрытаніі».

Асноўная мэта мерапрыемства – узбагачэнне ведаў студэнтаў аб нацыянальна-культурнай спецыфіцы краіны вывучанай мовы, выхаванне паважлівага стаўлення да іншамоўных культур, развіццё творчага патэнцыялу навучэнцаў.

Студэнты з энтузіязмам працавалі над індывідуальнымі і групавымі праектамі аб традыцыях і іншых культурных асаблівасцях Вялікабрытаніі, з цікавасцю слухалі прэзентацыі аднагрупнікаў, задавалі пытанні выступоўцам, абменьваліся меркаваннямі.

Мерапрыемства прайшло ў творчай, сяброўскай атмасферы, дазволіла паглыбіць веды студэнтаў аб культуры народаў Вялікабрытаніі, а таксама правесці параўнанні з нацыянальнай беларускай культурай.