BY 
17 снежня стаў для студэнтаў 3 курса спецыяльнасці «руская філалогія» па-сапраўднаму ўнікальным. У рамках вывучэння дысцыпліны "Гісторыя рускай крытыкі" загадчыцай кафедры рускай літаратуры Таццянай Сідаравай былі арганізаваны сустрэчы з рэдактарамі найбуйнейшых выданняў Беларусі: часопісам "Нёман" і газетай "Літаратура і мастацтва".
Мэта мерапрыемстваў – пазнаёміць студэнтаў з выдавецка-рэдакцыйнай дзейнасцю праз рэальны досвед сучасных кіраўнікоў друкаваных выданняў і матываваць на ўласную літаратурна-крытычную дзейнасць.
У форме жывой і цікавай гутаркі Аляксей Чарота расказаў студэнтам пра «ўнутраную кухню» і спецыфіку выдання газеты «ЛіМ», правёў калідорамі выдавецтва, падзяліўся ўражаннямі ад сваёй працы і запрасіў маладых людзей дасылаць свае рэцэнзіі ў газету. Аляксей Іванавіч асабіста перадаў студэнтам кнігі выдавецтва "Звязда" для напісання рэцэнзій, лепшыя з іх будуць апублікаваны.
Рэдактар аддзела прозы часопіса "Нёман" Алена Вячэрская пачала сваю душэўную сустрэчу з уручэння аўтарскіх экзэмпляраў пераможцам конкурсу эсэ "Сучасная беларуская літаратура – погляд са студэнцкай лавы", які выданне правяло сумесна з кафедрай рускай літаратуры БДУ ў мінулым годзе. Лепшыя эсэ, а таксама рэцэнзіі, якія пісалі юныя крытыкі, былі апублікаваны ў нумары.
У гэтым годзе тэма конкурсу “Сучасны свет маімі вачыма” выклікала цікавасць у студэнтаў. Выдавецтва “Мастацкая літаратура” таксама даручыла студэнтам кнігі, якія толькі выйшлі з друку, для водзываў.
Падобныя сустрэчы натхняюць маладыя таленты на творчасць і даюць надзею літаратурнай Беларусі на плённую будучыню.
