BY 
У снежнi 2025 г. у межах Школы юнага раманіста адбылiся анлайн-заняткi, прысвечаныя традыцыям Нараджэння Хрыстова ў Францыі.
Мерапрыемства мала дзве ключавыя мэты: развіццё навыкаў вуснага маўлення на французскай мове і паглыбленне ў культуру краіны вывучаемай мовы праз знаёмства з адным з галоўных святаў.
Заняткі правяла старшы выкладчык кафедры раманскага мовазнаўства Бабіч Галіна Міхайлаўна. На гэты раз удзельніцамі мерапрыемства сталі Ганна Сашчанка з Гомеля і Ульяна Шагун з Ваўкавыска.
Праграма сустрэчы была насычанай і інтэрактыўнай. Спачатку слухачкі даведаліся пра паходжанне свята, яго галоўныя рытуалы і сімвалы, а таксама абмеркавалі, чаму свята мае не толькі рэлігійнае, але і культурнае значэнне. Пасля прагляду і абмеркавання тэматычнага відэасюжэту ўдзельніцы праверылі свае веды ў віктарыне "Традыцыі Нараджэння Хрыстова" і паспяхова справіліся з усімі пытаннямі.
Асаблівую цікавасць выклікала праца з моўнымі нюансамі: удзельніцы расшыфравалі значэння французскіх прымавак, звязаных з зімовымі святамі, а таксама склалі тэксты віншавальных паштовак на французскай мове.
Заняткі прайшлі ў цёплай атмасферы і дазволілі не толькі ўдасканаліць моўныя веды, але і адчуць дух французскага Нараджэння Хрыстова.
