Міжнародны дзень роднай мовы

У адпаведнасці з планам мерапрыемстваў кафедры рускай мовы была праведзена гутарка, прысвечаная Міжнароднаму дню роднай мовы. У рамках спецкурса "Руская і беларуская мовы ў супастаўленні і функцыянаванні" студэнты трэцяга курса спецыяльнасці "Руская філалогія" азнаёмлены з падставамі святкавання гэтага Дня. Студэнтка Дар'я Рукавішнікава выступіла з пазнавальным дакладам, прысвечаным гэтай падзеі; падрыхтавала і прадэманстравала прэзентацыю аб тым, як яна адзначаецца ў Беларусі, звярнула ўвагу на адметныя асаблівасці беларускай мовы. Загадчык кафедры І.С. Роўда расказаў аб функцыянаванні рускай мовы ў нашай краіне і розных краінах свету. Напрыканцы мерапрыемства быў паказаны дакументальны фільм пра фарміраванне беларускай мовы, пра яе дыялекты, пра яе непаўторнасць і значнасць для кожнага жыхара нашай краіны.