BY 
26.02.2026 у рамках палікультурнага выхавання старэйшы выкладчык кафедры германскага мовазнаўства В.Ю. Захарэвіч правяла інтэрактыўны круглы стол на тэму «Канфлікт культур: гайд для будучага перакладчыка» са студэнтамі другога курса спецыяльнасці «Рамана-германская (англiйская) філалогія».
Мэта мерапрыемства – фармiраваць у будучых перакладчыкаў глыбокае разуменне ролі культуры ў працэсе камунікацыі, выкарыстоўваючы разнастайныя інструменты для эфектыўнага кіравання культурнымі адрозненнямі, якія ўзнікаюць пры перакладзе.
Падчас мерапрыемства ўдзельнікі разглядзелі асноўныя тыпы культурных канфліктаў, абмеркавалі стратэгіі для іх распазнання, аналізу і пераадолення. Студэнты атрымалі веды і навыкі, неабходныя для пабудовы эфектыўнай міжкультурнай камунікацыі.
Мерапрыемства дазволіла будучым перакладчыкам усвядоміць важнасць глыбокага разумення культурнага кантэксту для забеспячэння дакладнасці, адэкватнасці і паспяховага міжкультурнага ўзаемадзеяння.
