BY 
5 сакавіка 2026 года на філалагічным факультэце адбылася лекцыя старшыні Пастаяннай камісіі па адукацыі, культуры і навуцы Палаты прадстаўнікоў, члена Савета Палаты прадстаўнікоў Нацыянальнага сходу Рэспублікі Беларусь Ігара Марзалюка.
Аўтарытэтны беларускі гісторык аналізаваў канцэпт “нацыя” на прыкладзе славянскіх і рамана-германскіх народаў, а таксама закрануў ключавыя гуманітарныя пытанні ў сувязі з актуальнымі выклікамі ў свеце.
Лекцыя суправаджалася матэрыяламі з новай кнігі Ігара Аляксандравіча “Кроў на белым тле. Беларускія калабарацыяністы ў часы акупацыі БССР”, якая раскрывае сутнасць нацыянал-сацыялізму як ўніверсальнай чалавеканенавісніцкай ідэалогіі. “Няма такіх ідэй і такіх мэтаў для нармальнага чалавека у імя якіх магчыма татальнае масавае вынішчэнне людзей. Гэта чыста нацысцкі падыход”, – падкрэсліў Ігар Аляксандравіч.
Асаблівую ўвагу студэнтаў-філолагаў Ігар Марзалюк звярнуў на трэцюю главу сваёй кнігі “Забіваючы словам”, дзе гаворыцца аб расчалавечванні, якое сістэмна здзяйснялася ў адносінах да беларусаў: гаворка пра тых здраднікаў нашага народа, якія “забівалі”, публікуючы свае тэксты ў беларускіх газетах і часопісах.
Вучоны слушна адзначыў, што пра гэта важна памятаць асабліва сёння, калі разбураецца сапраўдная гісторыя і назіраецца эстэтызацыя нацызма так званымі альтэрнатыўнымі гісторыкамі.
“У нас ёсць наша краіна. Яна такая, якія мы з вамі”, – у завяршэнні лекцыі адзначыў Ігар Аляксандравіч. Таму важна памятать пра такую трагічную старонку ў гісторыі Вялікай Айчыннай вайны як генацыд беларускага народа і не дапускаць перапісвання гісторыі.
