Круглы стол "Women's sports"

26.03.2026 у рамках Года беларускай жанчыны выкладчык кафедры германскага мовазнаўства філалагічнага факультэта В.С. Селязнева правяла занятак са студэнтамі 2 курса рамана-германскай (англійскай) філалогіі на тэму "Women's sports" ("Жанчыны ў спорце").

Мэта дадзенага занятку - разгледзець ролю жанчын у спорце, вывучыць асноўныя праблемы сучаснасці развіцця жаночага спорту, выявіць тэндэнцыі развіцця жаночага спорту ў будучыні.

На занятках студэнты праслухалі інтэрв'ю і выканалі заданні пасля праслухоўвання. У ходзе абмеркавання студэнты адказалі на пытанні: "Чаму жаночы спорт не такі папулярны, як мужчынскі?", "Ці справядліва гэта?", "Ці мяняецца сітуацыя ў апошні час?". Далей студэнты прадставілі прэзентацыі, дзе агучылі сваё разуменне ролі жанчыны ў спорце, згадаўшы вядомых туркменскіх і беларускіх спартовак.

Падводзячы вынікі работы круглага стала, студэнты адзначылі важнасць ролі жанчын у спорце і падкрэслілі значнасць іх высокіх спартыўных вынікаў. Былі выяўлены бясспрэчныя перавагі ад заняткаў спортам і прызнана неабходнасць займацца спортам у паўсядзённым жыцці, што станоўча адбіваецца на арганізме.