BY 
31.03.2026 года куратары 8 і 9 груп 1 курса спецыяльнасці «Рамана-германская (англійская) філалогія» В. В. Скарабагаты і Д. В. Шайбакова правялі сумеснае мерапрыемства ў форме інтэлектуальнай гульні «Саюзная дзяржава: знаўцы гісторыі», прымеркаванай да Дня яднання народаў Беларусі і Расіі. Мерапрыемства было накіравана на фарміраванне ў студэнтаў разумення гістарычнай супольнасці і культурнага адзінства народаў Беларусі і Расіі, умацаванне сяброўскіх сувязей паміж навучэнцамі праз інтэрактыўныя формы сумеснай дзейнасці.
У ходзе гульні студэнты прайшлі праз некалькі тэматычных раўндаў, прысвечаных агульнай гісторыі, культурнай спадчыне і геаграфіі Беларусі і Расіі. Удзельнікі праверылі свае веды аб ключавых падзеях і сімвалах, якія аб'ядноўваюць два народы, – ад старонак Вялікай Айчыннай вайны і выдатных дзеячаў культуры да сучаснага супрацоўніцтва ў рамках Саюзнай дзяржавы. Побач з пытаннямі на веданне гісторыі і культуры студэнтам было прапанавана заданне на пазнаванне знакавых мясцін двух краін па фатаграфіях. Завяршылася мерапрыемства творчым заданнем: кожная каманда прыдумала ўласны слоган і стварыла сімвал дружбы народаў Беларусі і Расіі, прадставіўшы сваю працу ў кароткім выступленні.
Самі студэнты высока ацанілі фармат мерапрыемства. «Я ніколі асабліва не задумвалася аб тым, колькі ў нас агульнага з Расіяй – у гісторыі, у культуры, у звычайных жыццёвых рэчах. Пасля сённяшняй гульні гэта стала значна адчувальней», – падзялілася адна з удзельніц. Іншы студэнт адзначыў: «Цікавей за ўсё было адгадваць месцы па фатаграфіях. Некаторыя гарады аказаліся зусім не тымі, якімі мы іх лічылі. Гэта дазваляе лепш пазнаваць сваю краіну і суседнюю». Творчыя працы студэнтаў адлюстравалі шчырыя і небяздушныя адносіны першакурснікаў да тэмы адзінства дзвюх краін і паказалі, што гісторыя і культура братніх народаў застаюцца жывымі і значнымі для маладога пакалення.
