BY 
13 красавіка старшы выкладчык кафедры тэорыі і методыкі выкладання рускай мовы як замежнай Варычэнка Г.У. арганізавала дыялогавую пляцоўку “Жанчына і космас” у групе замежных студэнтаў 2 курса эканамічнага факультэта.
Першы камічны палёт, здзейснены жанчынай у 1963 годзе, які ажыццявіла Валянціна Церашкова, паклаў пачатак касмічным праграмам, у якіх бралі ўдзел жанчыны.
Дыялогавая пляцоўка як форма працы ў студэнцкай аўдыторыі мае вялікі патэнцыял, бо дазваляе ўдзельніку выказваць сваё меркаванне, прадэманстраваць камунікатыўныя і сацыяльныя навыкі падчас дыскусіі, а таксама вучыцца ацэньваць іншую думку, праяўляць ветлівасць і павагу да апанента.
Мэтай мерапрыемства было азнаёміць замежных студэнтаў з шырокімі магчымасцямі жанчын Беларусі, якія прадстаўлены ў краіне.
У Год беларускай жанчыны і з нагоды Дня касманаўтыкі на дыялогавай пляцоўцы абмяркоўваліся пытанні аб даверы беларускім жанчынам найважнейшых для краіны заданняў, якія яны з гонарам выконваюць. У якасці прыкладу ўдзельнікі дыскусіі падкрэслілі, што трэба мець мару і рэалізаваць яе, як зрабіла гэта Герой Беларусі – першая жанчына-касманаўт Марына Васілеўская.
Кітайскія студэнты расказалі аб дасягненнях кітайскіх жанчын у галіне космасу. Студэнтка Сюй Хэйвэй падрыхтавала даклад аб кітайскіх жанчынах-касманаўтах, аб іх укладзе ў асваенне космасу, аб уроках, якія праводзяцца для школьнікаў непасрэдна з космасу.
Усе выступоўцы на пляцоўцы былі аднагалоснымі ў меркаванні, што беларускай жанчыне можна даверыць любую справу, і яна ніколі не падвядзе.
