BY 
14.04.2026 у рамках вывучэння тэмы «Матэрыяльны свет. Грамадства спажывання» старэйшы выкладчык кафедры германскага мовазнаўства В.Ю. Захарэвіч і студэнт 4-га курса групы 25 Вэнь Юйкэ правялі круглы стол на тэму «Кошт рэчаў: культура спажывання» для студэнтаў 3-га курса рамана-германскай філалогіі.
Мэта мерапрыемства – сфарміраваць ва ўдзельнікаў крытычнае асэнсаванне культуры спажывання, яе ўплыву на асобу, грамадства і навакольнае асяроддзе, а таксама заахвоціць да ўсвядомленага выбару ў дачыненні да спажывання.
У рамках абмеркавання дадзенай праблемы студэнты прадставілі прэзентацыі, прысвечаныя розным аспектам культуры спажывання, у тым ліку такія тэмы як: уплыў рэкламы, усвядомленае спажыванне, экалагічныя наступствы, мода і трэнды, уплыў сацыяльных сетак.
Асаблівую цікавасць выклікаў досвед Кітая ў рашэнні праблем, звязаных з культурай спажывання, якім падзяліўся студэнт з Кітая. Вэнь Юйкэ расказаў аб дзяржаўнай палітыцы па стымуляванні экалагічнага спажывання, аб развіцці эканомікі замкнёнага цыкла, аб уплыве традыцыйных каштоўнасцей на спажывецкія паводзіны.
Мерапрыемства садзейнічала актыўнаму абмену думкамі і пашырэнню ведаў удзельнікаў у галіне культуры спажывання.
