Экскурсія ў «Музей грошай» Нацыянальнага банка Рэспублiкi Беларусь

13 красавіка студэнты 1 курса 16 групы філалагічнага факультэта (класічная філалогія) пад кіраўніцтвам выкладчыка кафедры германскага мовазнаўства Кацярыны Сяргееўны Лебедзевай наведалі «Музей грошай» Нацыянальнага банка Рэспублiкi Беларусь.

Падчас экскурсіі студэнты даведаліся шмат новага з гісторыі грашовага абароту і банкаўскай справы на тэрыторыі Беларусі і ўбачылі манеты розных эпох, знойдзеныя ў выніку археалагічных раскопак у рэгіёнах краіны. Асобная зала музея прысвечана працэсу вырабу папяровых і металічных грошай і калекцыйным манетам і купюрам Нацыянальнага банка Рэспублiкi Беларусь, а таксама гісторыі беларускага рубля. Напрыканцы мерапрыемства студэнты даведаліся, хто стварае дызайн купюр і як вызначаецца іх сапраўднасць.

Шчыра дзякуем «Музею грошай» Нацыянальнага банка Рэспублiкi Беларусь!