Віктарына «1986: хронікі катастрофы»

24.04.2026 у рамках выхаваўчай работы і вывучэння гісторыка-культурнай спадчыны краіны (дысцыпліна «Асноўная замежная мова — 4») старшы выкладчык кафедры германскага мовазнаўства Г.І. Рымар правяла са студэнтамі 10-й групы, II курса спецыяльнасці «Рамана-германская (нямецкая) філалогія», якія вывучаюць нямецкую мову як асноўную замежную, віктарыну на тэму «1986: хронікі катастрофы», прымеркаваную да 40-годдзя аварыі на Чарнобыльскай АЭС.

Старшы выкладчык Г.І. Рымар і студэнты ў фармаце інтэрактыўнай хронікі аднавілі падзеі красавіка 1986 года, абмеркавалі прычыны і ход катастрофы, а таксама маштабы яе наступстваў для Рэспублікі Беларусь. У ходзе мерапрыемства былі актуалізаваны міжпрадметныя сувязі, якія дазволілі зірнуць на трагедыю з пункту гледжання фізікі, экалогіі і гісторыі.

Студэнты вылучылі ключавыя аспекты дзяржаўнай палітыкі Рэспублікі Беларусь у галіне пераадолення наступстваў катастрофы: рэалізацыю дзяржаўных праграм па аднаўленні і радыяцыйнай абароне пацярпелых тэрыторый, дзяржаўныя меры па адраджэнні пацярпелых тэрыторый, сучасныя метады маніторынгу навакольнага асяроддзя. Далей студэнты разважалі пра подзвіг ліквідатараў, якія цаной жыцця і здароўя прадухілілі больш маштабную тэхнагенную катастрофу, пра важнасць захавання памяці пра гэтыя падзеі для будучых пакаленняў, а таксама пра глабальныя ўрокі Чарнобыля ў кантэксце сучаснай экалагічнай бяспекі.

Мерапрыемства спрыяла павышэнню інфармаванасці студэнтаў пра чарнобыльскую трагедыю, фарміраванню пачуцця асабістай адказнасці за захаванне навакольнага асяроддзя, выхаванню патрыятызму і грамадзянскага абавязку на прыкладзе гераічных дзеянняў ліквідатараў, а таксама развіццю крытычнага мыслення, неабходнага для асэнсавання складаных старонак гісторыі і выклікаў сучаснасці.

Мэта мерапрыемства — фарміраванне культуры бяспечнай жыццядзейнасці, павышэнне інфармаванасці студэнтаў пра чарнобыльскую трагедыю, развіццё пачуцця асабістай адказнасці за захаванне навакольнага асяроддзя, выхаванне патрыятызму і грамадзянскага абавязку на прыкладзе гераічных дзеянняў ліквідатараў.