BY 
24.04.2026 старшы выкладчык кафедры германскага мовазнаўства філалагічнага факультэта Ю. А. Жукава і студэнты 1 курса рамана-германскай (англійскай) філалогіі наведалі Нацыянальную бібліятэку і прынялі ўдзел у Рэспубліканскай акцыі “Бібліяноч-2026”, прымеркаванай да Усесветнай кнігі.
Галоўная мэта мерапрыемства - прадставіць студэнтам першага курса сучасную бібліятэку як жывую прастору сэнсаў, ідэй і натхнення.
Вячэрняя праграма мерапрыемстваў ператварыла культурную прастору ў жывы лабараторны палігон ведаў і творчасці. Атмасфера нацыянальнай бібліятэкі ў ноч акцыі адрознівалася асаблівай энергетыкай. Цішыня чытальных залаў змянілася ажыўленымі гутаркамі, гукамі творчасці і адкрыццём новых гарызонтаў: ад традыцыйнага фальклору да перадавых тэхналогій штучнага інтэлекту і віртуальнай рэальнасці.
Студэнты прынялі актыўны ўдзел у праекце “Прастора дзесятай музы”, стварылі вобраз свайго імя ў грэчаскім стылі, адкрылі для сябе прыгажосць элінскіх узораў у малюнках на гліне, а таксама дэкламавалі гімн Афрадыце на англійскай мове.
Першакурснікі праявілі цікавасць да мерапрыемства, адзначылі, што вечар прайшоў не як фармальнае мерапрыемства, а як сапраўднае падарожжа ў свет творчасці і ведаў. “Бібліяноч-2026” даказала, што кніга застаецца актуальным інструментам камунікацыі, а бібліятэка – прасторай, дзе час не стаіць на месцы, а ўзбагачае ўдзельнікаў новымі ведамі і ўражаннямі.
