Ведаць і памятаць

12.05.2026 у рамках грамадзянска-патрыятычнага выхавання моладзі старшыя выкладчыкі кафедры германскага мовазнаўства Л.Р. Папоўская, Д.М. Каралёў і С.Э. Бабок правялі са студэнтамі 1 курса спецыяльнасці «Рамана-германская (нямецкая) філалогія» тэматычную сустрэчу-экскурсію па мемарыяльным комплексе «Трасцянец». Мэта мерапрыемства – асэнсаванне механізмаў генацыду, фарміраванне разумення неабходнасці захавання гістарычнай праўды аб злачынствах нацыстаў і іх пасобнікаў у дачыненні да мірнага насельніцтва ў гады Вялікай Айчыннай вайны праз дыялог на месцы трагедыі. Экскурсію правёў спецыяліст адукацыйна-даследчага цэнтра імя Л. Левіна В.Ю. Фурс. У ходзе экскурсіі студэнты пазнаёміліся з гісторыяй стварэння лагера «Малы Трасцянец», даведаліся пра тое, як жылі і працавалі людзі, якіх нацысты асудзілі на смерць. У цэнтры асаблівай увагі апынуліся сімвалы і наратывы, якія дапамагаюць перадаць боль і жах падзей будучым пакаленням. Студэнты адзначылі, што падобныя мерапрыемствы на месцы рэальных гістарычных падзей маюць велізарнае значэнне, паколькі дазваляюць ператварыць сухія лічбы ў факты. У канцы сустрэчы навучэнцы выказалі падзяку экскурсаводу і падкрэслілі важнасць рэгулярнага правядзення такіх выязных заняткаў для фарміравання грамадзянскай пазіцыі і павагі да гістарычнага мінулага.