BY 
13.05.2026 у рамках сямейнага і гендэрнага выхавання, а таксама мерапрыемстваў, прымеркаваных да Міжнароднага Дня сям’і, старшы выкладчык кафедры германскага мовазнаўства Г.І. Зур правяла з замежнымі студэнтамі III курса спецыяльнасці «Рамана-германская (англійская) філалогія», якія вывучаюць нямецкую мову як другую замежную, прэзентацыю праектаў «Мой радавод».
На працягу некалькіх тыдняў студэнты знаёміліся з асновамі генеалогіі, распытвалі сваякоў, удакладняючы імёны, прозвішчы і гады жыцця прабабуль і прадзядуль, склалі і намалявалі ўласныя генеалагічныя дрэвы, а таксама абмеркавалі сямейныя традыцыі ў беларускай культуры.
У завяршэнне мерапрыемства студэнты ў пацешнай і арыгінальнай форме намалявалі навучальную групу, якая стала за два гады сумеснага вучобы маленькай сям’ёй, расказалі пра значэнне сваіх імёнаў і прозвішчаў. Міжнародны Дзень сям’і – гэта напамін аб універсальнай каштоўнасці дома, дзе б чалавек ні знаходзіўся. Веды пра свае карані – гэта аснова, без якой сямейнае дрэва непазбежна вяне, губляючы сувязь паміж пакаленнямі.
Мэтай мерапрыемства стала выхаванне ў замежных студэнтаў пачуцця любові да сваёй сям’і і гонару за яе, павагі да бацькоў, развіццё цікавасці да гісторыі сваёй сям’і, значэння свайго імя і прозвішча, а таксама знаёмства з сямейнымі традыцыямі беларускага народа.
