Дыялогавая пляцоўка "Жанчына і вайна"

19 мая старшы выкладчык кафедры тэорыі методыкі выкладання рускай мовы як замежнай Варычэнка Г.У. арганізавала дыялогавую пляцоўку "Жанчына і вайна" ў групе студэнтаў 1 курса эканамічнага факультэта. Мерапрыемства асвятляла актуальную для грамадства тэму ў Год беларускай жанчыны.

Самаадданасць жанчын, любоў да сваёй сям'і, да роднай краіны, схільнасць да самаахвяравання дзеля жыцця і шчасця іншых людзей, высокае пачуццё абавязку, – усе гэтыя паняцці былі адлюстраваны ў гутарцы на дыялогавай пляцоўцы.

   Жанчына і вайна – здавалася б, два несумяшчальныя паняцці – сталі асновай для выступаў замежных студэнтаў з Кітая і Туркменістана.

  Падчас дыскусіі студэнты расказалі пра тое, што яны лічаць гераізмам жанчыны, каго лічаць гераічнай асобай, якое месца сярод герояў усіх часоў займаюць жанчыны.

Жанчыны ва ўсе гістарычныя часы адыгрывалі велізарную ролю ў прадухіленні канфліктаў, імкнуліся спыніць войны ці ж уставалі плячо да пляча з мужчынамі і дапамагалі перамагчы ворага. Падчас Вялікай Айчыннай вайны больш за 45 тысяч беларускіх жанчын сышлі ў партызанскія атрады або змагаліся з ворагам у падпольных групах у розных гарадах і пасёлках.

Студэнты падрыхтавалі паведамленні аб дзяўчатах, сваіх аднагодках, З. М. Партновай, В.З. Харужай, Г. І. Маслоўскай, Т. С. Марыненка, М. Б. Восіпавай, Н. В. Траян, А. Р. Мазанік.

Дыялогавая пляцоўка "Жанчына і вайна" паказала ролю беларускай жанчыны ў лёсе краіны, яе неацэнны ўклад у разгром ворага і падкрэсліла яе найважнейшую ролю ў жыцці грамадства.

Актыўна ўдзельнічалі ў мерапрыемстве Чан Цзянін, Мэн Сы, Гао Юйсінь, Халыева Майя і Ван Фаннін.