Чаму БДУ?

26.10.2026 у межах працы с будучымі абітурыентамі старшы выкладчык кафедры германскага мовазнаўства С.Э. Бабок правяла прафарыентацыйную сустрэчу з навучэнцамі 10-х класаў ДУА «Сярэдняя школа №73 г. Мінска імя М.Ф. Шмырова». Мэта мерапрыемства – павышэнне цікавасці школьнікаў да філалагічных спецыяльнасцей і моўных аспектаў прафесійнай дзейнасці ў розных сферах.

Падчас прэзентацыі факультэта навучэнцы пазнаёміліся са спецыфікай навучання, дысцыплінамі, якія выкладаюцца на факультэце, умовамі паступлення на моўныя спецыяльнасці, а таксама кар’ернымі перспектывамі, якімі валодае кожны дыпламаваны філолаг. Асаблівая ўвага была ўдзелена магчымасцям навучання ў Школе юнага філолага, якая сёння разглядаецца не толькі як інструмент развіцця і матывацыі школьнікаў да вывучэння мовы, літаратуры і сумежных дысцыплін, але і адкрывае для іх новыя навукова-даследчыя перспектывы. Падчас сустрэчы навучэнцы актыўна задавалі пытанні пра магчымасці падрыхтоўкі да цэнтралізаваных экзаменаў, конкурсы, арганізацыю практыкі і размеркаванне выпускнікоў факультэта. Сустрэча прайшла ў фармаце актыўнага дыялогу, што дазволіла школьнікам не толькі атрымаць самую падрабязную інфармацыю пра прафесію філолага і вучобу на факультэце, але і ацаніць уласную зацікаўленасць у магчымасцях, якія дае сучасная філалагічная адукацыя.