«Навагоднія і калядныя традыцыі народаў свету»

11 снежня 2015г. на філалагічным факультэце БДУ адбылася тэматычная сяброўская сустрэча студэнтаў, стажораў і выкладчыкаў «Навагоднія і калядныя традыцыі народаў свету». У цёплай і ўтульнай святочнай атмасферы студэнты і стажоры філфака з Францыі, Германіі, Славакіі, Грэцыі, Паўднёвай Карэі, Туркменістана, Кітая, Украіны распавядалі пра асаблівасці сустрэчы самага чароўнага свята года ў сябе на радзіме. А распачаў сустрэчу выступ фальклорна-этнаграфічнага гурта «Багач» – першымі да нас у госці прыйшлі беларускія Каляды.

Мігаценне рознакаляровых агеньчыкаў і шамаценне пухнатых гірлянд, пах карыцы і мандарынаў, свечкі ў маляваных падсвечніках і салата аліўе, «Карнавальная ноч» і «Чарадзеі» – так сустракаюць Новыгод... на філфаку!

Песні, танцы, традыцыйныя гульні, ўборы і пачастункі, а галоўнае, мора пазітыўных эмоцый – усёгэта зачароўвала кожнага, варта было толькі пераступіць парог аўдыторыі.

{gallery}2015-12-23{/gallery}