Сэрвісы

Прафарыентацыйная сустрэча студэнтаў спецыяльнасці «Класічная філалогія» з прадстаўнікамі Інстытута гісторыі Нацыянальнай акадэміі навук Беларусі

18 лістапада на кафедры класічнай філалогіі адбылася прафарыентацыйная сустрэча студэнтаў 1-га і 5-га курсаў спецыяльнасці «Класічная філалогія» з загадчыкам аддзела гісторыі Беларусі IX–XVIII стст. Андрэем Анатольевічам Мяцельскім і вядучым навуковым супрацоўнікам аддзела Алегам Іванавічам Дзярновічам на тэму «Сувязь гістарычных дысцыплін і класічнай філалогіі. Канфесійная гісторыя Беларусі».

Запрошаныя госці расказалі студэнтам пра асноўныя напрамкі даследчай работы аддзела і яго дасягненні, пазнаёмілі са значнымі навуковымі выданнямі (манаграфіямі і даведнікамі), падрыхтаванымі супрацоўнікамі аддзела. У сваім выступленні Андрэй Анатольевич Мяцельскі наглядна паказаў месца лацінскай і старажытнагрэчаскай моў на тэрыторыі Беларусі ў эпоху Сярэднявечча, іх значнасць у канфесійнай гісторыі Беларусі, прадэманстраваў студэнтам шырокую праблематыку навуковых даследванняў і велізарны корпус неперакладзеных дакументаў, якія адкрытыя для спецыялістаў з веданнем класічных моў.

У сваю чаргу, прадстаўнікі кафедры расказалі пра ўжо рэалізаваныя студэнцкія праекты. Студэнтка 5-га курса Валерыя Скарабагатая (кіраўнік даследчага праекта «Наша Радзіма на картах і гравюрах ХVI–XVII стст.») і старшы выкладчык Дзмітрый Генадзьевіч Мінкевіч (куратар праекта) абмеркавалі з гасцямі цяжкасці, з якімі сутыкнуліся падчас працы над перакладам лацінскіх легенд на картах і гравюрах з калекцыі Нацыянальнага гістарычнага музея. Першакурснікі таксама падзяліліся сваімі даследчымі планамі ў межах праекта «Лаціна- і грэкамоўныя надпісы ў храмавай культуры Беларусі», прызванага пашырыць і паглыбіць даследаванне, пачатае папярэднікамі. Узгадалі і іншыя праекты студэнтаў кафедры.

Удзельнікі сустрэчы знайшлі шмат агульнага ў навуковых інтарэсах і дамовіліся пра далейшае супрацоўніцтва.

257506387 442783790776027 4195291373644459004 n

257893483 1077922829615620 1272411380016241457 n

Метельский1 

Image

Рэсурсы

Image
Image