Студэнты 1-га курса спецыяльнасці «Класічная філалогія» з сяброўскім візітам наведалі Мінскую духоўную семінарыю

26 лістапада адбылася выязная экскурсія ў Мінскую духоўную семінарыю.

Студэнты спецыяльнасці «Класічная філалогія» пазнаёміліся з гісторыяй семінарыі і Свята-Успенскага Жыровіцкага манастыра, агледзелі мясцовыя храмы, наведалі магілу мітрапаліта Філарэта, даведаліся аб укладзе жыцця і арганізацыі навучальнага працэсу ў семінарыі. Асабліва зацікавіў наведвальнікаў царкоўна-гістарычны музей семінарыі, які сабраў мноства ўнікальных экспанатаў па гісторыі манастыра і семінарыі, духоўнай адукацыі і асветы на тэрыторыі Беларусі, царкоўнага мастацтва і царкоўнага пісьменства. Некаторыя экспанаты зацікавілі студэнтаў і ў прафесійным плане: гэта рукапісныя кнігі і старадрукі мінулых стагоддзяў, надпісы на старажытнагрэчаскай мове.

Увечары адбылася сяброўская сустрэча студэнтаў філалагічнага факультэта і Мінскай духоўнай семінарыі, на якой за чаяваннем маладыя людзі абмеркавалі свае ўражанні ад экскурсіі, цікавыя падзеі студэнцкага жыцця, пагутарылі на самыя розныя тэмы, выявіўшы высокую эрудыцыю і пісьменнасць.

Удзельнікі сустрэчы даведаліся шмат новага і цікавага, атрымалі тэмы для разважання, зарадзіліся станоўчымі эмоцыямі і добрым настроем.