BY 15 лютага ў Рэспубліцы Беларусь адзначаецца Дзень памяці воінаў-інтэрнацыяналістаў. У гэты дзень у 1989 годзе завяршыўся вывад савецкіх войскаў з Афганістана, дзе з 1979 па 1989 гады праходзілі службу каля 30 тысяч ураджэнцаў Беларусі (з іх 771 чалавек загінуў, 12 лічацца прапаўшымі без звестак). Штогод па ўсёй рэспубліцы праходзяць мерапрыемствы, прысвечаныя гэтай даце.
У Мінску сімвалам смутку па ўсіх сынах і дочках Беларусі, якія загінулі на чужой зямлі, выконваючы воінскі і інтэрнацыянальны абавязак, з'яўляецца мемарыяльны комплекс “Помнік воінам-інтэрнацыяналістам”, вядомы таксама як “Востраў Мужнасці і Смутку”. 18 лютага 2022 г. студэнты 3 курса філалагічнага факультэта БДУ разам са старшым выкладчыкам кафедры рускай літаратуры А. Ю. Смірновым наведалі Мемарыял і ўсклалі кветкі ў памяць аб загінуўшых воінах.
