Сэрвісы

Кiтайскiя магістранты на «Тыднi краін свету» ў школе «ScrumSchool»

Магістрант кафедры прыкладной лінгвістыкі 1-га курса навучання Гао Кай (КНР) сумесна з кітайскімі магістрантамі іншых факультэтаў БДУ прыняў удзел у культурна-пазнавальным мерапрыемстве “Тыдзень краін свету. Культурны калейдаскоп”, арганізаваным у адной з прыватных школ Мінска ў дні вясновых канікул. 

“Тыдзень краін свету” адкрыўся днём Кітая. У панядзелак, 28 сакавіка, школьнікі і настаўнікі з ScrumSchool дзякуючы запрошаным кітайскім гасцям – магістрантам нашага ўніверсітэта – папоўнілі свае веды пра гісторыю і культуру Старажытнага Кітая, засвоілі вымаўленне і напісанне некаторых кітайскіх слоў, пабывалі ў якасці гледачоў у кітайскім “Тэатры ценяў”, навучыліся гатаваць кітайскую локшыну, розныя стравы кітайскай кухні.

Нашы магістранты змаглі не толькі прайсці своеасаблівы інтэнсіўны курс практыкі вуснага рускага маўлення, расказваючы пра кітайскія звычаі і адказваючы на шматлікія пытанні пра жыццё сучаснай кітайскай моладзі, але і праявіць свае педагагічныя і рытарычныя здольнасці, навучаючы школьнікаў каліграфіі і правільнаму вымаўленню, тлумачачы значэнні кітайскіх слоў і ўстойлівых вобразных выразаў, дэманструючы вербальныя спосабы вырашэння міжкультурных канфліктных сітуацый. А колькі яркіх эмоцый падарылі ўсім караоке на кітайскай мове і майстар-клас па выкарыстанню кітайскіх палачак (куайцзы)! Завяршэннем дня стала ўражальная экскурсія ў Інстытут імя Канфуцыя (БДУ).

Спадзяёмся, што, зацікавіўшыся кітайскай лінгвакультурай, вучні старэйшых класаў выявяць жаданне працягнуць яе вывучэнне на нашым факультэце, выбраўшы спецыяльнасць “Усходняя (кітайская) філалогія”.

photo1648480626 (1)

photo1648480685 (1)

Image

Рэсурсы

Image
Image
Наш сайт использует файлы cookie

Наш сайт использует файлы cookie для сбора статистики. Нажав «Принять», вы даете согласие на обработку файлов cookie в соответствии с Политикой обработки файлов cookie.