BY 4 мая 2022 года на філалагічным факультэце БДУ адбыўся круглы стол, прысвечаны 77-й гадавiне Вялікай Перамогі, на тэму «Ніхто не забыты! Нішто не забыта!». У мерапрыемстве прынялі ўдзел замежныя студэнты 2 і 3 курсаў (куратары С.В. Халілі-Квасава, В.Б. Карань, М.І. Краскоўскі, В.А. Дзямешка).
Праграма круглага стала была вельмі насычанай. Разам з выкладчыкамі замежныя студэнты ўзгадалі знакавыя падзеі і факты перыяду Вялікай Айчыннай вайны (Ленінградскую блакаду, Сталінградскую бітву, абарону Брэсцкай крэпасці, вызваленне Беларусі, лагеры смерці і гета, Хатынь і Трасцянец, халакост і інш.) у рамках спецыяльнай прэзентацыі.
Студэнты актыўна ўдзельнічалі ў круглым стале: чыталі вершы рускіх паэтаў, прысвечаныя памяці загінуўшых на вайне. Асаблiвая ўвага была нададзена важнасці захавання гістарычнай памяці.
Найбольш моцнае ўражанне зрабіў дуэт Лі Шуайюя і Фэн Яояна, якія чыталі верш С. Кадашнікава «Вецер вайны» з элементамі інсцэніроўкі.
Працягам круглага стала стаў брэйн-рынг, які актуалізаваў веды замежных студэнтаў аб значных падзеях гісторыі перыяду Другой сусветнай вайны. Студэнты паказалі добрыя веды ваенных фактаў: найважнейшых дат, назваў родаў войск, ваеннай тэхнікі, помнікаў, прадметаў адзення і быту, гісторыі парада Перамогі.
Вайна адгукнулася трагедыяй як у сэрцах беларусаў, так і кітайцаў. Не засталася па-за ўвагай і васьмігадовая японская акупацыя Кітая. Студэнты кожнай групы прадставілі прэзентацыю «Лiкi вайны» пра япона-кітайскую вайну як частку Другой сусветнай вайны. Гэта яшчэ раз нагадала ўсім, што любая вайна – трагедыя і гора людзей, кроў і жах.Адным з самых яскравых момантаў мерапрыемства стала выкананне папулярнай ваенна-патрыятычнай песні «Кацюша» на рускай і кітайскай мовах (выканаўцы – Лі Шуайюй і Ван Сайгэ).Таксама ўсе студэнты здзейснілі віртуальную экскурсію ў музей Вялікай Айчыннай вайны па выніках наведвання музея групай студэнтаў 2 курса. Другакурснікі падзяліліся ўражаннямі ад экспанатаў музея і правялі невялікі інтэрактыў.Завяршылася мерапрыемства жыццесцвярджальнай музычнай кампазіцыяй «Жыць!».
