Студэнты філалагічнага факультэта БДУ перамаглі ў II Міжнародным конкурсе мастацкага перакладу «Кветкі з чужых палёў»

11 мая на факультэце сацыякультурных камунікацый БДУ адбылося ўрачыстае ўзнагароджанне пераможцаў II Міжнароднага конкурсу мастацкага перакладу «Кветкі з чужых палёў». Пераможцы атрымалі дыпломы і памятныя прызы.

Арганізатарамі мерапрыемства выступілі кафедра тэорыі і практыкі перакладу факультэта сацыякультурных камунікацый Беларускага дзяржаўнага ўніверсітэта и кафедра англійскай мовы Валагодскага дзяржаўнага ўніверсітэта.

Конкурсныя работы прыслалі 240 удзельнікаў з розных навучальных устаноў Рэспублікі Беларусь і Рсійскай Федэрацыіі.

Па выніках конкурсу студэнты філалагічнага факультэта спецыяльнасці «Рамана-германская (англійская) філалогія» сталі пераможцамі ў чатырох намінацыях.

Дыпломам I ступені ўзнагароджана студэнтка 4 курса Вершкова Анастасія ў намінацыі «Пераклад англійскай прозы на рускую мову».

Дыплома I ступені таксама ўганаравана студэнтка 3 курса Гілевіч Мілена ў намінацыі «Пераклад англійскай прозы на беларускую мову».

Яшчэ адзін Дыплом I ступені атрымала студэнтка 4 курса Адахоўская Марта ў намінацыі «Пераклад англійскай паэзіі на беларускую мову».

Дыпломам III ступені адзначаны студэнт 1 курса Чарамных Данііл ў намінацыі «Пераклад беларускай паэзіі на англійскую мову».

Віншуем пераможцаў!