BY 
24 мая 2023 года на філалагічным факультэце БДУ адбыўся Вясенні фестываль рускай мовы, які стаў сапраўдным святам для ўсіх аматараў рускай мовы і культуры.
Штогод мерапрыемства арганізуе кафедра прыкладной лінгвістыкі. Пад кіраўніцтвам Кацярыны Варанцовай і Марыны Дубень замежныя студэнты спецыяльнасці «Руская філалогія» падрыхтавалі творчыя нумары, аб'яднаныя тэмай «Чараўніцтва».
У якасці гасцей акрамя студэнтаў і выкладчыкаў нашага факультэта завіталі студэнты Юрыдычнага каледжа БДУ. На фестывалі маладыя людзі змаглі пазнаёміцца з прадстаўнікамі Кітая і Турменістана, пабачыць розныя напрамкі і віды дзейнасці, прадстаўленыя на факультэце, каб зрабіць асэнсаваны выбар будучай спецыяльнасці.
Вясенні фестываль рускай мовы стаў добрым працягам кафедральнай традыцыі і будзе служыць мастом паміж студэнтамі розных нацыянальнасцей і культур, аб'ядноўваючы іх у любові да прыгожага, да рускай мовы і літаратуры.
